“Bu gün deyə bilərəm ki, mən əfsanəyəm”

“Tottenhem”in hücumçusu Son Hın-Min Avropa liqasının finalında “Mançester Yunayted” üzərində qələbədən (1:0) sonra hisslərini bölüşüb.

Allsport.az xəbər verir ki, 32 yaşlı futbolçu özünü London təmsilçisinin əfsanəsi hiss etdiyini bildirib: “17 il ərzində heç kim bunu etməyib, ona görə də bu gün deyə bilərəm ki, mən əfsanəyəm. Amma bunu heyrətamiz oyunçuların əhatəsində etmişəm. Bu, həmişə arzuladığım şeydir. Bu gün bunun baş verdiyi gündür. Dünyanın ən xoşbəxt insanıyam.

Bunu çox istəyirdim. Son yeddi gündə hər gecə bu oyunu xəyal edirdim. Nəhayət, bu baş verdi və indi rahat yata bilərəm!”

Cənubi koreyalı Son 2015-ci ildən “Tottenhem”də çıxış edir.