“FİFA üçün bu, maliyyə məsələsi deyil. Əsas səbəb isti havadır”

Allsport.az saytı xəbər verir ki, FİFA prezidenti Canni İnfantino, Dünya Kuboku-2026-da oyunları zamanı su fasilələri ilə bağlı bunu deyib: “Əsas səbəb isti havadır, amma biz onu da başa düşməliyik ki, 39 gün davam edən və komandaların potensial olaraq bu 39 gündə 8 oyun keçirə biləcəyi Dünya Kuboku kimi bir yarışda istirahət etmək imkanı olduqca vacibdir.

Bütün komandaların hər matçda eyni şəraitdə oynamasını təmin etmək bizim üçün daha vacibdir. Bir məşqçinin sadəcə hava isti olduğundan oyunun gedişatına düzəlişlər edərək təsir göstərə biləcəyini, hərarətin bir qədər aşağı olduğu başqa bir matçda isə eyni məşqçinin bu seçimi olmaya biləcəyini qəbul etmək olduqca çətindir. Hər kəs üçün bərabər oyun meydançası təmin etmək istəyirik və buna görə də bu fasilələr hər matçda nəzərə alınır.

Bütün kommersiya müqavilələri əvvəlcədən imzalandığı üçün FİFA üçün bundan əlavə gəlir yoxdur. Buna görə də, bizim üçün bu, maliyyə məsələsi deyil. Bizim üçün bu, sırf idman məsələsidir.