“Evdə “Qarabağ”ı yenməliyik”

“Nant”ın futbolçusu Andrey Cirotto, Avropa liqasının “G” qrupunun 5-ci turunda sabah “Qarabağ”la keçiriləcək görüş haqda fikrini bildirib. Allsport.az saytı xəbər verir ki, braziliyalı yarımmüdafiəçi mətbuat konransında Bakıda 0:3 yenilgini də xatırladıb:

“Bizim üçün vacib oyun olacaq. “Qarabağ” ilk oyunda səfərdə uduzduğumuz rəqibdir. Evdə qalib gəlməliyik. Ötənilki möhkəmliyimizi bərpa etməyə başlayırıq. Bir az da diqqətimizi cəmləməliyik”.

“Nant” – “Qarabağ” matçı Bakı vaxtı ilə saat 23:00-da başlayacaq.