“Atletiko” zarafatla “Barselona”ya Yamal üçün təklif göndərdiyini açıqlayıb

“Atletiko”, zarafatla “Barselona”nın hücumçusu Lamin Yamal üçün təklif paylaşıb.

Allsport.az saytı xəbər verir ki, “hindular” sosial mediada Mərakeş əsilli ispaniyalı futbolçunun şəklini “Gedək! “Barselona”ya transfer təklifimizi faksla göndərdik: sabah “Bəd bunni”nin konsertinə 4 bilet, ABC-yə 1 illik abunə və 1 torba günəbaxan toxumu. “Elanımızı” hazırlaya bilmək üçün cavabı səbirsizliklə gözləyirik” başlığı ilə paylaşıblar.

Artıq məlum olub ki, “Atletiko” argentinalı hücumçusu Xulian Alvaresi “Barselona”ya 100 milyon avroya satmaq niyyətindədir.