Qazaxıstanlı olimpiya çempionu 6 ayın maaşını ala bilmir?

Qazaxıstan turizm və idman nazirliyinin idman və bədən tərbiyəsi komitəsinin idman inkişafı idarəsi 2026-cı il olimpiya çempionu Mixail Şaydorovun şərhinə cavab verib. Allsport.az saytı xəbər verir ki, fiqurlu konkisürən əvvəllər 6 ayın maaşını ala bilmədiyini deyib:

“Fiqurlu konkisürən Mixail Şaydorova ödənişlərlə bağlı media müzakirələrini nəzərə alaraq, əməkdaşlığımızın hüquqi və maliyyə aspektlərini aydınlaşdırmağı vacib hesab edirik.

Əsas məqsədimiz olimpiya çempionuna mümkün olan ən rahat məşq şəraitini təmin etməkdir və idmançıya hərtərəfli dəstək dəyişməz prioritetimiz olaraq qalır”.