Oyan Nəzərlinin yetirmələri Avropa birinciliyinin qalibi olub

Xorvatiyanın Poreç şəhərində çimərlik güləşi üzrə yeniyetmələrin Avropa birinciliyi keçirilib. Allsport.az saytı xəbər verir ki, bu yarışda millinin 4 üzvü fəxri kürsüyə qalxıb.

Elcan Həsənov (60 kq) və Ruslan Vəliyev (80 kq) qızıl, Rəşad Əliyev (70 kq) ilə Elvin Hacıquliyev (80 kq) 2-ci yer tutublar.

Komandamız 80 xalla medalların əyarına görə Gürcüstanı (80) qabaqlayaraq fəxri kürsünün zirvəsinə çıxıb. Ukrayna bahadırları 64 xalla 3-cü pillədə qərarlaşıblar.