“Qarabağ”ın oyunu üçün biletlər satışda

Avropa liqasının əsas mərhələsinin 4-cü turunda keçiriləcək “Bodo Qlimt” (Norveç) – “Qarabağ” matçında Azərbaycan təmsilçisini dəstəkləmək istəyən azarkeşlər üçün biletlər satışa çıxarılıb.

Allsport.az xəbər verir ki, bu barədə “Qarabağ”ın azarkeşlərə etdiyi müraciətdə bildirilib.

Biletlər bu gün saat 14:00-dan etibarən iTicket.az-da onlayn şəkildə satışa çıxarılacaq. Azarkeşlər əldə etdikləri vauçerləri oyun günü saat 14:00-dan 16:00-a kimi “Scandic havet” (Ünvan: Tollbugata 5, 8006 Bode, Norge) otelinin məlumat şöbəsinə yaxınlaşaraq biletə dəyişməlidir. Biletlərin qiyməti 55 AZN-dir.

Vauçerləri əldə edən şəxslər vauçerləri biletə dəyişərkən şəxsiyyətini təsdiq edən sənəd üzərində olmalıdır.

“Bodo/Qlimt” – “Qarabağ” oyunu noyabrın 7-i saat 21:45-də (Bakı vaxtı ilə) start götürəcək.