“Dünya kubokunu Trampla birgə təqdim edəcəyik. Biz həmişə bir yerdəyik”

Allsport.az saytı xəbər verir ki, FİFA prezidenti Canni İnfantino ABŞ-in dövlət başçısı Donald Trampın DÇ-2026-da kubokunu təqdim edəcəyini təsdiqləyib.:

“Biz prezident [Tramp] ilə birlikdə olacağıq, finaldan zövq alacağıq və əlbəttə ki, kuboku qalibə birlikdə təqdim edəcəyik. Biz həmişə birlikdəyik”.

İnfantino kuboku əvvəlki 2 dünya çempionatında təqdim edib: 2022-ci ildə Qətərdə və 2018-ci ildə Rusiyada.

Dünya Kubokunun finalı 19 iyulda Nyu Cersi ştatının Şərqi Rezerford şəhərində “Mət layf” stadionunda keçiriləcək.