Skaloni: “Messi özü istədiyi müddətcə, ona qədər oynayacaq”

Allsport.az saytı xəbər verir ki, Argentina millisinin baş məşqçisi Lionel Skaloni, qarşıdan gələn Dünya Kubokunun komandanın kapitanı Lionel Messi üçün 6-cı olacağını bildirib: “O (Messi) özü istədiyi müddətcə, ona qədər oynayacaq, çünki biz onun kim olduğunu artıq bilirik və onun 6-cı dünya çempionatında oynayacağı bizi təəccübləndirmir.

Onu seyr edənlər, “Bax, o, cəhd etməyə davam edir, o orada olmaq istəyir, orada möhkəmlənmək istəyir, orada qalmaq istəyir” deyən oğlançığazlar üçün nümunədir. O, bizim sahib olduğumuz ən yaxşı nümunədir. O, çox dəyişməyib, eyni qalıb, hələ də eyni rəqabətədavamlıdır”.