Azərbaycan məşqçilərinə beynəlxalq lisenziya

Azərbaycanın karate üzrə milli komandalarında fəaliyyət göstərən üç mütəxəssis beynəlxalq məşqçilik dərəcəsinə yiyələnib.

Allsport.az xəbər verir ki, məşqçilərimiz dünya karate federasiyasının (VKF) Polşada təşkil etdiyi rəsmi imtahan mərhələsini uğurla tamamlayaraq beynəlxalq lisenziya əldə ediblər.

Uğur qazanan mütəxəssislər arasında U-21 yığmasının baş məşqçisi Elnur İbrahim, yeniyetmə və gənclərdən ibarət milli komandanın baş məşqçisi Anar Allahverdiyev, eləcə də U-21 millisinin baş məşqçisinin köməkçisi Coşqun Sadiqov yer alıb.