Avropa çempionatında 2 medal

Azərbaycan idmançıları Latviyada və Rusiyada keçirilən fullkontakt şinkyokuşin karate yarışlarında bir gümüş və iki bürünc medal qazanıblar.

Allsport.az xəbər verir ki, Latviyanın Riqa şəhərində təşkil olunan Avropa çempionatında U-21 yaş kateqoriyasında Zamin Fərəcov (75 kq) ikinci yeri tutaraq gümüş, Məhərrəm Əhmədov (65 kq) isə üçüncü yeri tutaraq bürünc medal əldə edib.

Rusiyanın Novosibirsk şəhərində keçirilən 34-cü Andrey Yakutov memorialı – beynəlxalq Şinkyokuşinkay Karate çempionatında isə Emin İsmayıllı 75 kq-dək çəki dərəcəsində bürünc medala sahib çıxıb.