Azərbaycan karate federasiyasında yeni təyinat

Azərbaycan karate federasiyasının prezidenti tərəfindən imzalanmış müvafiq əmrə əsasən, Yavər Hüseynov təşkilat komitəsinin sədri vəzifəsinə təyin edilib.

Allsport.az saytı xəbər verir ki, bu qurum federasiyanın fəaliyyət planına uyğun olaraq keçirilən yarışların, idman tədbirlərinin, seminarların, təlim-məşq toplanışlarının və digər təşkilati xarakterli layihələrin əlaqəsini həyata keçirir.

Yeni təyinat AKF-in təşkilati fəaliyyətinin daha da təkmilləşdirilməsi, tədbirlərin səmərəli şəkildə planlaşdırılması və icrasının təmin olunması məqsədinə xidmət edir.

Adı çəkilən şəxs “Arpaçay” idman birliyinin vitse-prezidentidir. İctimai birliyə MMA və qrapplinq, kunq-fu federasiyaları, “Zeyd” döyüş mərkəzi və “Arpaşay” karate klubu daxildir.