“Sağlam həyat” Nərimanov parkında

Aprelin 23-də Nərimanov rayon parkında “Sağlam həyat” tədbiri keçirilib.

Allsport.az xəbər verir ki, tədbir zamanı park ərazisində müxtəlif idman zonaları qurulub, iştirakçılar arasında fiziki fəallığın artırılması məqsədilə açıq hava məşqləri və müxtəlif idman qurğularında yarışlar keçirilib. Həm uşaqlar, həm də böyüklər üçün nəzərdə tutulan fəaliyyətlər sağlam həyat tərzinin təbliği baxımından mühüm əhəmiyyət daşıyıb. Sonda aktiv iştirakçılara sertifikatlar təqdim edilib.