Alpaqut üzrə Azərbaycan birinciliyi və çempionatı

Allsport.az xəbər verir ki, 7-8 oktyabrda Abşeron olimpiya idman kompleksində alpaqut Turan döyüş sənəti üzrə Azərbaycan birinciliyi və çempionatı keçiriləcək.

Yarışın əsas məqsədi müvafiq yaş qrupları üzrə Azərbaycan yığma komandasının tərkibini müəyyən etmək və eyni zamanda yeniyetmələr, gənclər və böyüklər arasında idman vasitəsi ilə sağlam həyat tərzinin formlaşdırılması, həmçinin Alpaqut idman növünün kütləvi təbliğinə və təşviqinə nail olmaqdır.