“Güləşçilərimiz əllərindən gələni edəcəklər ki, maksimum sayda lisenziya qazansınlar”

9-12 mayda İstanbulda dünya olimpiya təsnifatı keçiriləcək. Allsport.az saytı xəbər verir ki, bu yarışda yunan-Roma və qadın güləş millilərimiz mübarizə aparacaq.

“Sərbəstlər” tam şəkildə – Paris-2024-ə 6 vəsiqə qazanıblar. Bəs digərləri bacaracaqmı? Bu suala AGF-in icraiyyə komitəsinin üzvü Fərid Mansurov aydınlıq gətirdi:

“Bu yarışa ciddi hazırlıq gedir. Güləşçilərimiz əllərindən gələni edəcəklər ki, maksimum sayda lisenziya qazansınlar. Ehtimal vermək mənə düşməz. Hər halda, bütün idmançılarımıza inanlram”.