“2025-ci ildə dünyanın ən çox maaş alan idmançısı olacağıma şübhəm yoxdur”

Gürcüstanlı döyüşçü, yüngül çəkidə UFC dünya çempionu İliya Topuriya planetin ən yüksək maaşlı idmançısı olmaq məqsədindən danışıb.

Allsport.az xəbər verir ki, bu barədə o, “Webpositer”ə açıqlama verib:

“Qulaq asın, bunu sizə deyirəm. 2025-ci ildə dünyanın ən çox maaş alan idmançısı olacağıma şübhəm yoxdur. Bu mütləqdir. Düzünü desəm, bu baş tutmasa, təəccüblənəcəyəm”.

2023-cü ildə dünyanın ən çox maaş alan idmançısı portuqaliyalı futbolçu Kriştianu Ronaldu olub: o, 275 milyon dollar qazanıb.