“Sonda sürəti artırmalıydım”

Bu gün Mingəçevirdə avarçəkmə üzrə “Prezident kuboku” beynəlxalq reqatasında 1-yerlik kayak qayığına 500 metrə yürüşdə Nurlan Paşayev gümüş medal qazandı. Allsport.az saytı xəbər verir ki, yarışdan sonra o, sevincini jurnalistlərlə bölüşdü:

“Bu reqatada 21 ölkə iştirak edir. Təşkilatçılıq yüksək səviyyədədir. Sonda sürəti artırmalıydım, amma gücüm çatmadı.

Ağır məşqlər sayəsində bu rəqabətdə nəticəni yüksətdim. Allah qoysa, gələn yarışda 1-ci olaram. Hazırlığımı artırıb daha nüfuzlu arenalarda uğur qazanmaq niyyətindəyəm”.