Avropa ağırlıqqaldırma federasiyasının konqresində ölkəmizi Firdovsi Umudov təmsil edir

Gürcüstanın Batumi şəhərində Avropa ağırlıqqaldırma federasiyasının növbəti konqresi keçirilir. Allsport.az saytı xəbər verir ki, tədbirdə ölkəmizi AAF-nin vitse-prezidenti, BAF-ın “Məsləhət qrupu”nun üzvü Firdovsi Umudov təmsil edir.

Öncə AWF-in prezidenti Astrit Həsəni çıxış edərək konqresin proqramını diqqətə çatdırıb və illik hesabatı təqdim edib. Audit hesabatlarının təsdiqindən sonra 2026 və 2027-ci illərdə baş tutacaq yarışlarla bağlı məlumatlar iştirakçıların diqqətinə çatdırılıb. Sonra boş qalan vəzifə yerlərinə növbədənkənar seçkilər keçirilib.

Həmyerlimiz konqresdə iştirakı çərçivəsində AWF-in prezidenti, baş katib Milan Mixayloviç, eləcə də Gürcüstan ağırlıqqaldırma federasiyasının prezidenti Laşa Talaxadze ilə görüşüb. Təmaslar zamanı yarışların təşkili, qaydalardakı yeniliklər və ikitərəfli əlaqələr ətrafında fikir mübadiləsi aparılıb.