Gəncədə üzgüçülük yarışı

Avqustun 6-7-də Gəncə idman sarayında ikinci dəfə “Ganja Cup” üzgüçülük yarışı təşkil olunacaq.

Allsport.az xəbər verir ki, turnirdə iştirak etmək istəyən üzgüçülər müəyyən olunmuş minimum “Vorld Aquatiks” (VA) bal tələblərinə cavab verməlidirlər.

Belə ki, 2016-2017-ci il təvəllüdlü iştirakçılar üçün minimum 150 VA, 2014-2015-ci il təvəllüdlülər üçün 200 VA, open kateqoriyasında çıxış edəcək idmançılar üçün isə minimum 280 VA balı tələb olunur.

“Ganja Cup” ötən ildən etibarən Azərbaycan üzgüçülük federasiyasının təqvim yarışlarından biri kimi keçirilir.