Batumidə beynəlxalq yarışda iştirak edəcəklər

Noyabrın 7-də Batumidə kayak və kanoe növləri üzrə beynəlxalq super sprint reqatası təşkil olunacaq.

Allsport.az xəbər verir ki, turnirdə Azərbaycan 2 idmançı ilə təmsil olunacaq.

Hüseyn Səmədli kanoedə, Amil Ramazanov isə kayak qayığında mükafatçılar sırasına düşməyə çalışacaq.

Hər iki idmançımız birnəfəlik qayıqda super sprint yarışlarının qaydalarına uyğun olaraq 100 metr məsafə üzrə mübarizə aparacaqlar.