“Mançester Siti”dən 89 illik rekord

İngiltərə premyer liqasının XXV turunda keçirilən “Liverpul” – “Mançester Siti” qarşılaşması qonaqların 2:1 hesablı əzmkar qələbəsi ilə başa çatıb.

Allsport.az xəbər verir ki, bu qələbə “şəhərlilər” üçün bir neçə tarixi rekordla əlamətdar olub.

Mançester təmsilçisi 89 ildən sonra (sonuncu dəfə 1936/1937 mövsümündə) ilk dəfə bir liqa mövsümündə “Liverpul”u hər iki oyunda məğlub etməyi bacarıb.

Həmçinin, bu, Pep Qvardiolanın komandasının 2004-cü ildən bəri “Enfild” stadionunda azarkeşlərin iştirakı ilə qazandığı ikinci səfər qələbəsidir.