“Bunların heç biri doğru deyil”

“Real Madrid”in yarımmüdafiəçisi Cud Bellingem çempionlar liqasının 1/4 finalında “Bavariya” ilə cavab oyunundan əvvəl meydandan kənarda idmançıya yaraşmayan davranışı ilə bağlı şayiələrə münasibət bildirib. Allsport.az saytı xəbər verir ki, o, barəsində deyilənlərin yalan olduğunu deyib:

“Düşünürəm ki, bunu artıq demişəm: şəxsi həyatınızı karyeranızla qarışdıra bilməzsiniz. Həddindən artıq içki içdiyim və müxtəlif məkanlara getdiyim iddia edilən yalan məlumatlar ortaya çıxıb. Bunların heç biri doğru deyil. Mən hər gün peşəkarlığımı qoruyuram; başqa hər şey cəfəngiyatdır.”