“Napoli”nin kapitanı əməliyyat olunacaq

“Napoli”nin müdafiəçisi Covanni Di Lorenso ciddi zədə səbəbindən yaşıl meydanlardan uzaq qalacaq.

Allsport.az xəbər verir ki, “Fiorentina” ilə matçda (2:1) dizindən zədələnən 32 yaşlı kapitanın çarpaz bağları qırılmasa da, o, yaxın günlərdə əməliyyat olunacaq.

Futbolçu bildirib ki, dizindəki məcburi fasilədən istifadə edərək, son 6 ayda ağrılarla oynadığı ayaq pəncəsindəki köhnə problemini də cərrahi yolla həll edəcək.

Onun təxminən 4-6 həftə sıradan çıxdığı bildirilir.