Ronaldunun təyyarəsini Mançesterdən buraxmırlar

“Əl Nəsr”in hücumçusu Kriştianu Ronaldunun şəxsi təyyarəsi texniki nasazlıq səbəbindən Mançester hava limanında saxlanılıb.

Allsport.az xəbər verir ki, 61 milyon funt-sterlinq dəyərində olan təyyarə cümə günü Mançesterə çatıb. Ön şüşələrin birində çat aşkarlandığı üçün onun havaya qalxması yaxın vaxtlarda mümkün deyil.

Hava limanını tərk etmək üçün texniki problem aradan qaldırılmalıdır. Hazırda mütəxəssislər təmir işləri aparmaq üçün lazımi ehtiyat hissələrinin çatdırılmasını gözləyirlər.

Hadisə zamanı 40 yaşlı futbolçunun təyyarədə olub-olmaması barədə məlumat verilmir.