Elnur Çodarov: “Zirə”nin əvvəlki əzmkarlığı özünə qayıdır

Topaz premyer liqasının 27-ci turunda “Zirə” öz meydanında “Kəpəz”ə 2:1 qalib gəlib. Allsport.az saytı xəbər verir ki, matçdan sonra qalib komandanın məşqçisi Elnur Çodarov bunu söylətib:

“Azarkeşlərimizə təşəkkür edirəm. Bilirdik ki, “Kəpəz”lə matç çətin olacaq. Qış fasiləsindən sonra bir çox rəqiblərə başağrısı olurdular. Son saniyəyə qədər əzmkar mübarizə izlədik. Futbolçularımıza təşəkkür edirəm. “Zirə”nin əvvəlki əzmkarlığı özünə qayıdır.

Bu, futboldu, hər şey ola bilər. Futbolçularımıza özünəinam hissi qayıdıb. Onlar uzun müddət idi ki, ardıcıl qələbə qazana bilmirdilər. İndi onun dadını çıxarırlar. Var gücümüzü ortaya qoyacağıq. Hədəfimiz Avroliqaya vəsiqə qazanmaqdı. “Sumqayıt”la oyun bizim üçün final olacaq.