Bölgə təmsilçisinin oyunu təxirə salındı

Mövsümün ikinci yarısına Türkiyədə hazırlaşan “Turan Tovuz”un ilk yoxlama oyunu baş tutmayıb.

Allsport.az xəbər verir ki, qərblilərin Rumıniyanın “Voluntari” klubu ilə bu gün keçirilməli olan görüşü təxirə salınıb.

Buna əlverişsiz hava şəraiti səbəb olub. Matç sabah Bakı vaxtı ilə 17:00-da keçiriləcək.

Qeyd edək ki, Ayxan Abbasovun yetirmələri Türkiyədə ümumilikdə 3 oyun keçirməsi planlaşdırılır.