“Ay-ulduzlular”ımızın futbol köynəyində yenilik

Azərbaycan millisinin formasında yenilik edilib. Allsport.az saytı xəbər verir ki, “ay-ulduzlular”ımızın formasına ölkə bayrağı əlavə edilib, nişanə futbol köynəyinin arxa yuxarı hisəsində, kiçik ölçüdə verilib.

Bundan başqa, millimizin DÇ-2018-in seçmə mərhələsi çərçivəsində Norveçlə səfər və San Marino ilə ev oyunlarında geyinəcəyi formalar da açıqlanıb. Yığmamızın səfər və 3-cü oyun dəsti “vikinqlər”in geyim rəngləri ilə uyğun olmadığı üçün, millimiz skandinavlarla səfər oyununda ev dəstində, göy rəngli formada oynayacaq.

Robert Prosineçkinin komandası “cırtdanlar”la ev oyununa da eyni formada çıxacaq.