2 illik diskvalifikasiya

Azərbaycan atleti Kənan Vəliyev 2 il müddətinə diskvalifikasiya olunub.

Allsport.az xəbər verir ki, idmançı antidopinq qaydalarının pozulmasında təqsirli bilinib.

K.Vəliyevə qarşı irəli sürülən pozuntu idmançı tərəfindən nümunə toplanmasından yayınma, imtina və ya nümunəni təqdim etməmək (2.3-cü maddə) ilə bağlıdır.

Sanksiyanın qüvvədə olma müddəti 2026-cı il aprelin 15-dən 2028-ci il aprelin 15-dək nəzərdə tutulub.