Azərbaycan və Özbəkistan antidopinq agentlikləri arasında əməkdaşlıq

Allsport.az saytı xəbər verir ki, sözləşməni Azərbaycan milli antidopinq agentliyinin (AMADA) icraçı direktoru Təhminə Tağızadə və Özbəkistan milli zntidopinq agentliyinin (UzNADA) direktoru Abdüşükür Sadıqov imzalayıblar.

Müqavilə antidopinq təhsili, dopinq nəzarəti, terapevtik istifadə üçün istisnalar (TUE), idmançıların bioloji pasportu (ABP), ADAMS sistemi, nəticələrin idarə olunması, araşdırma və təhqiqat fəaliyyəti, həmçinin beynəlxalq idman tədbirlərində əməkdaşlığın inkişafını nəzərdə tutur.

Bundan əlavə, tərəflər təcrübə mübadiləsi aparmaq, birgə təlim proqramları təşkil etmək, informasiya və metodik materiallarla qarşılıqlı əməkdaşlığı gücləndirəcəklər.