“Azəryol” avrokuboka qoşulmadı

“Azəryol” qadın həndbol klubu cari mövsümdə avrokuboklarda iştirak etməyəcək. Allsport.az saytı xəbər verir ki, bu barədə qərar klub rəhbərliyi ilə Avropa həndbol federasiyası arasında qəbul edilib.

Qitə kubokunda 3-cü mərhələdən mübarizəyə qoşulmalı olan Azərbaycan çempionunun Serbiya təmsilçisi “Naisa Niş”lə noyabrın 14-15 və 21-22-nə planlaşdırılan matçları baş tutmayacaq. Balkan təmsilçisinin 1/8 finala yüksəlməsi barədə qərar verilib.

Ümumilikdə, Avropa kubokunun 5 cütü barədə analoji qərar qəbul olunub. Buna səbəb Avropanı bürüyən koronavirus pandemiyasıdır.