Gimnastlarımız DÇ-dən əvvəl podium məşqlərində

Allsport.az xəbər verir ki, Rumıniyanın Kluj-Napoka şəhərində bədii gimnastika üzrə gənclər arasında 2-ci dünya çempionatına start verilib.

Yarışdan əvvəl gimnastlarımız podium məşqlərində iştirak ediblər.

Çempionatda ölkəmizi Azərbaycan yığma komandasının üzvləri, fərdi gimnastlar Şəms Ağahüseynova, Nuray Əhmədzadə, Nəzrin Abdullayeva, qrup hərəkətləri komandasının üzvləri Gövhər İbrahimova, Səkinəxanım İsmayılzadə, Mədinə Aslanova, İlahə Bahadırova, Ayan Sadıqova və Zəhra Cəfərova təmsil edir.