Zümrüd Ağayevaya UEFA-dan növbəti təyinat

AFFA-nın qadın futbolu departamentinin rəhbəri Zümrüd Ağayeva UEFA-dan növbəti təyinat alıb.

Allsport.az xəbər verir ki, o, qadınlar arasında Avropa kubokunun 1/4 final mərhələsinin cavab oyunları çərçivəsində keçiriləcək “Austriya” (Avstriya) – “Sparta” (Çex respublikası) matçının UEFA nümayəndəsi olacaq.

Qarşılaşma fevralın 18-də Vyana şəhərində yerləşən “Franz-Horr” stadionunda baş tutacaq.

Komandalar arasında Çex respublikasında keçirilən ilk görüşdə 0:0 hesabı qeydə alınıb.