“Arsenal”ın fəxri prezidenti vəfat edib

“Arsenal” klubunun fəxri prezidenti Ken Fryar 93 yaşında vəfat edib.

Allsport.az xəbər verir ki, o, həyatının 76 ilini “Arsenal”a həsr edib.

Fryar 1950-ci ildə klubda bilet kassasında işə başlayıb. 1973-cü ildə katib, 1983-cü ildə isə idarəedici direktor vəzifəsinə təyin olunub.

Məhz onun rəhbərliyi altında 2000-ci illərin əvvəllərində klubun yeni stadionu olan “Emirates”in tikintisi layihəsi həyata keçirilib. Bu arena “Arsenal”ın tarixi “Hayberi” stadionunu əvəz edib.

2020-ci ildə, 86 yaşında olarkən, direktorlar şurasını tərk edən Fryara ömürlük fəxri prezident statusu verilib.

“Emirates” stadionunun yaxınlığında ucaldılan altı heykəldən biri Ken Fryara həsr olunub.