Yunanıstan komandasına uduzdu

“Gəncə” basketbol klubu FİBA Avropa kubokunun müntəzəm mövsümündə ikinci məğlubiyyətini alıb.

Allsport.az xəbər verir ki, Martin Knejeviçin baş məşqçisi olduğu komanda turnirin ikinci turunda Yunanıstan təmsilçisi “Kolossos”u qəbul edib.

Gəncə idman sarayında keçirilən qarşılaşma qonaqların 80:62 hesablı qələbəsi ilə başa çatıb.

“Gəncə” ilk turda səfərdə Türkiyənin “Əsənlər Ərokspor” komandasına 63:92 hesabı ilə uduzub.