50-yə yaxınlaşanlar

Karyerasını davam etdirən futbolçular arasında Azərbaycan çempionatının ən yaxşı bombardirləri sırasında olanlar üçün VIII tur uğurlu olub. Allsport.az saytı pfl.az-a istinadən xəbər verir ki, Rəşad Abdullayev AZAL, Vüqar Nadirov “Qarabağ”, Rauf Əliyev “Xəzər Lənkəran”ın heyətində fərqlənib.

Sonuncu qol sayını 36-ya çatdırıbsa, hesabında 40-dan artıq qol olan digərləri 50 və daha çox qol vuranların siyahısına daha da yaxınlaşıb. 47-ci dəfə qol sevinci yaşayan Abdullayevi 32 nəfərlik siyahıdan cəmi 3 qol ayırır. Nadirov isə bunun üçün 9 qol vurmalıdır. Ümumiyyətlə hazırda Premyer Liqada çıxış edən 8 oyunçunun hesabında 30 və daha çox qol var:

1. Rəşad Abdullayev – 47
2. Viktor İqbekoyi – 43
3. Vüqar Nadirov – 41
4. Rauf Əliyev – 36
5. Baçana Sxadadze – 33
6-7. Əfran İsmayılov, Junior Nildu – 31
8. Flavinyu – 30

Həmin kateqoriyadan