Məğlubiyyətin səbəbini açıqladı

“Atletiko”nun baş məşqçisi Dieqo Simeone UEFA çempionlar liqasının IV turunda “Bavariya”ya 0:2 hesablı məğlubiyyətin səbəblərindən danışıb.

Allsport.az xəbər verir ki, argentinalı mütəxəssis komandasının meydanda daha inamlı oynamalı olduğunu bildirib:

“İkinci topları daha çox qazanmalı və rəqibin meydanında daha inamlı çıxış etməli idik. İlk qola qədər yaxşı dəqiqələrimiz oldu. Bu qədər səy göstərməyimizə baxmayaraq, oyuna nəzarəti əldən verməyimiz təəssüf doğurur”.