AFFA-dan dalaşan futbolçulara sərt cəza, “Qarabağ”a ciddi xəbərdarlıq

Bu gün AFFA intizam komitəsinin növbəti iclası keçirilib. Allsport.az xəbər verir ki, aparılan müzakirələrdən sonra U-15 ıiqasında keçirilən “Qarabağ”- “Sabah” oyununda baş verənlərlə bağlı aşağıdakı qərarlar verilib:

Oyunun final fitindən sonra “Qarabağ”ın oyunçusu İbrahim Hacı və “Sabah”ın oyunçusu Əmirxan Qurbanov arasında dava baş verib. Daha sonra bu dava futbolçular arasında kütləvi hal alıb və “Qarabağ”dan Ramin Vəliyev, Nihad Abbasov, eləcə də “Sabah”dan Hüseyn Yusubov, Ramiz Bağırov, Rüfət Tahirov da iştirakçıya çevrilib.

Bu səbəbdən adları qeyd edilən futbolçuların hər biri 6 oyun cəzalandırılıb. Ev oyununda təhlükəsizliyi təmin etmədiyi və azarkeşlərin də kütləvi dava-dalaşda iştirak etməsi səbəbindən “Qarabağ”a 1 oyunu azarkeşsiz keçirmək cəzası verilib. Eyni zamanda, məsələ ilə bağlı kluba ciddi xəbərdalıq olunub. Növbəti dəfə belə hal baş verəcəyi təqdirdə daha ciddi sanksiyalar tətbiq ediləcək.