AFFA-dan “Neftçi”yə sərt qərar

AFFA intizam komitəsinin iclası keçirilib.

Allsport.az xəbər verir ki, qurum Azərbaycan premyer liqasının III turunda baş verənlərlə bağlı qərar qəbul edib.

“Turan Tovuz”la oyununun 55-ci dəqiqəsində “Neftçi” klubunun futbolçusu İqor Ribeyro təcavüzkar davranışa (rəqibi vurduğuna) görə birbaşa qırmızı vərəqə aldığı üçün 3 oyun cəzalanıb, klubu isə 3000 manat cərimə edilib.

Eyni oyunda “ağ-qaralar” azarkeşləri tərəfindən meydançaya kənar əşyalar atıldığına görə 2000 manat cərimə edilib.

“Sabah”la oyunda meydana gec çıxan “İmişli” komandası isə 3000 manat ziyana düşüb.