Bakı olimpiya stadionunda VAR mərkəzi fəaliyyətini dayandırıb

Azərbaycanda keçiriləcək BMT-nin iqlim dəyişmələri üzrə çərçivə konvensiyasının tərəflər konfransının 29-cu sessiyası (COP29) ilə əlaqədar Bakı olimpiya stadionunun ərazisindəki VAR mərkəzi 01.02.2025-ci il tarixinədək fəaliyyətini dayandırıb.

Allsport.az saytı xəbər verir ki, bu səbəbdən yeni mövsümü üzrə Azərbaycan kuboku və ölkə çempionatı çərçivəsində keçiriləcək oyunlarda VAR-ın təşkili yalnız səyyar nəqliyyat vasitəsi ilə mümkün olacaq. AFFA-nın balansında hazırda 2 ədəd səyyar VAR nəqliyyat vasitəsi var.

AFFA ötən mövsümlərdə olduğu kimi, premyer liqasının və Azərbaycan kubokunun bütün oyunlarında bu sisteminin tətbiq olunmasına çalışacaq.