Bolqarıstan millisinin üzvü karyerasını Azərbaycanda davam etdirə bilər

Futbol üzrə Bolqarıstan milli komandasının müdafiəçisi Aleksandr Aleksandrov karyerasını Azərbaycanda davam etdirə bilər. Allsport.az xəbər verir ki, 29 yaşlı futbolçu ilə “Kəpəz” maraqlanır. Futbolçunun Türkiyənin “Mersin İdmanyurdu” klubuna keçməsi də gözlənilir. Son olaraq “Ludoqorets”də çıxış edən A.Aleksandrov bu klubla yollarını ayırıb. Bu səbəbdən də futbolçu hazırda azad agent statusu daşıyır.

Qeyd edək ki, A.Aleksandrov Bolqarıstan yığmasının heyətində Avropa çempionatının seçmə mərhələsi çərçivəsində Sofiyada Azərbaycan millisinə qarşı oyunda iştirak edib.