Gənclərin qitə birinciliyinin ilk günündə 4 medal

Sofiyada gənc cüdoçuların Avropa birinciliyi keçirilir. Allsport.az saytı xəbər verir ki, yarışın ilk günündə milli 4 medal qazanıb.

60 kq-da Tofiq Məmmədov bütün rəqiblərinə qalib gəlib. Rövşən Əliyev (55 kq) yalnız finalda uduzub. Balabəy Ağayev (55 kq) və Şəfəq Həmidova (44 kq) 3-cü yer tutublar.

Qeyd edək ki, 42 ölkədən 405 (217 kişi, 188 qadın) cüdoçunun qüvvəsini sınadığı çempionatda bizimkilər 14 (10 kişi, 4 qadın) nəfərlə təmsil olunur.