Rəqiblə mübahisə zamanı ağzını bağlayan futbolçuya qırmızı vərəqə göstəriləcək

Oyun qaydalarını idarə edən və tənzimləyən Beynəlxalq futbol assosiasiyaları şurası (İFAB) rəqiblə mübahisə zamanı ağzını bağlamağa görə qırmızı vərəqə cəzasını təsdiqləyib.

Allsport.az saytı xəbər verir ki, Kanadanın Vankuver şəhərində keçirilən iclasda təklif edilən və ayrı-seçkilik və uyğunsuz davranışla mübarizə aparmaq məqsədi daşıyan oyun qaydalarına 2 düzəlişi yekdilliklə təsdiqlənib.

Yarış təşkilatçısının qərarına əsasən, rəqiblə mübahisə zamanı ağzını əli ilə bağlayan istənilən oyunçu qırmızı vərəqə ala bilər.

Bundan əlavə, hakim hakimin qərarına etiraz olaraq meydanı tərk edən istənilən oyunçuya qırmızı vərəqə göstərə bilər. Bu qayda həmçinin oyunçuları meydanı tərk etməyə təhrik edən istənilən komanda rəsmisinə də aiddir. Matçın dayandırılmasına görə məsuliyyət daşıyan komanda cərimə alacaq.

Yeni qaydalar 2026-cı ildə ABŞ, Kanada və Meksikada keçiriləcək Dünya Kubokunda tətbiq olunacaq.