“İliçevets”in müdafiəçisi Azərbaycana gəlməməkdə peşman deyil

Ukraynanın “İliçevets” klubunun müdafiəçisi Kiril Sidorenko Azərbaycan klubundan aldığı təklifi qəbul etməməsini yada salıb. Allsport.az xəbər verir ki, yerli mətbuata açıqlamasında o, bunları söyləyib:

“Qətiyyən təssüflənmirəm. Ölkəmiz ağır günlərini yaşayır. Amma mən vətənə dönməyə üstünlük verdim. Baxmayaraq ki, Azərbaycana getməklə maliyyə baxımından daha çox irəli düşə bilərdim.

Mariupolu seçməyimi düzgün addım hesab edirəm. Çünki bu klubda futbolçular üçün hər cür şərait yaradılıb”.