Lüksemburq millisinin üzvü “Neftçi”də

2025/2026-cı illər mövsümü üçün hazırlığını davam etdirən “Neftçi” yeni futbolçu transfer edib.

Allsport.az xəbər verir ki, Lüksemburq millisinin hücumçusu Alessio Kurçi heyətə cəlb olunub.

23 yaşlı forvardla 3 illik müqavilə imzalanıb.

Futbola vətənində başlayıb Almaniyada davam edən Alessionun sonuncu klubu Belçika “Franks Borayns”ı olub. O, Lüksemburq yığmasının heyətində 15 oyunda 1 qol vurub.