Maksim Medvedev: “Daha səhv etməyə haqqımız yoxdur”

“Qarabağ”ın müdafiəçisi Maksim Medvedev Avropa Liqasının qrup mərhələsinin dördüncü turu çərçivəsində Fransa “Monako”suna qarşı keçirdikləri oyunu şərh edib. Allsport.az xəbər verir ki, o, 1:1 hesabıyla bitən görüşdən sonra bunları dilə gətirib:

“Bəzi məqamlarda səhvlər etdik. Elə zənn etdik ki, 1:0 hesablı üstünlüyümüzü qoruya biləcəyik. Qrupdan çıxmaq şansımız hələ də qalır. Amma bundan sonra səhv etməyə haqqımız yoxdur”.