Naxçıvanda liqalara yekun vurulub

AFFA və NFF-in birgə təşkilatçılığı ilə 7 yaş qrupu – U-10, U-11, U-12, U-13, U-14, U-15 və U-16 liqaları – üzrə Azərbaycan çempionatının Naxçıvan bölgəsi üzrə oyunları keçirilib. Allsport.az saytı xəbər verir ki, aprelin 2-də başlayan yarış 17 gün davam edib və aprelin 19-da seçmə mərhələyə yekun vurulub.

Əvvəlcədən də məlumat verildiyi kimi, ancaq U-13, U-14, U-15 və U-16 liqalarının qalibi Bakıda təşkil olunacaq Azərbaycan çempionatının pley-off mərhələsinə vəsiqə qazanacaqdı. Yekunda “Araz-Naxçıvan”ın U-13, U-14 və U-15 komandaları bu hüquqa sahib olub. U-16 liqasında isə Şərur UGİM qrup qalibi kimi pley-off-a adını yazdırıb.

Yarışlarda ümumilikdə 42 komanda iştirak edib. 5 müxtəlif stadionda 128 oyun keçirilib. Görüşləri Naxçıvan müxtar republikasından olan hakimlər idarə edib.