Prosineçki – öncə Sumqayıt, daha sonra Bakı

Futbol üzrə Azərbaycan millisinin baş məşqçisi Robert Prosineçki Topaz Premyer Liqasında növbəti oyunları izləyəcək. Allsport.az xəbər verir ki, xorvatiyalı mütəxəssis sabah Sumqayıta yollanacaq.

O, saat 10:00-da Sumqayıt şəhərindəki “Kapital Bank Arena”da keçiriləcək 16 yaşadək futbolçulardan ibarət Azərbaycan millisi ilə “Sumqayıt” klubunun U-17 komandası arasındakı yoxlama oyununu izləyəcək. Daha sonra 45 yaşlı çalışdırıcı Topaz Premyer Liqasının 17-ci turu çərçivəsində saat 14:00-da Biləcəridə “Bakı” və AZAL komandaları arasında baş tutacaq paytaxt derbisinə tamaşa edəcək.