- Baxış sayı: 27
- 19 Aprel 2024 22:00
- Baxış sayı: 44
- Aprel 18, 2024
- 0
“Qəbələ”nin 12 yaşadək futbolçulardan ibarət komandası beynəlxalq turnirdə iştirak edəcək. Allsport.az saytı xəbər verir ki, Elnur İmanquliyevin baş məşqçisi olduğu U-12 aprelin 5-dən 7-dək Türkiyədə təşkil olunacaq ənənəvi İzmir kubokunda qüvvəsini sınayacaq.
“Milan”, “Latsio” (hər ikisi – İtaliya), “Mançester Siti”, “Çelsi” (İngiltərə), “Ayaks” (Niderland), “Porto” (Portuqaliya) kimi klubların qatılacağı yarışda 72 komanda 8 qrupda mübarizəyə başlayacaq.
Əyalət təmsilçisi “G” qrupunda qüvvəsini sınayacaq. “Qırmızı-qaralar” aprelin 5-də “Benfika” (Portuqaliya), “Brügge” (Belçika), “Valensiya” (İspaniya) və “Qrasshopers”lə (İsveçrə) qarşılaşacaq. Qrup mərhələsinin ikinci günündə komandamızın rəqibi “Ankaragücü” (Türkiyə), “Kardiff” (Uels), “Göztəpə” (Türkiyə) və “Tvente” (Niderland) olacaq.
Qrupda ilk dörd yeri tutan komandalar aprelin 7-də final mərhələsində mübarizə aparacaqlar. Digər iştirakçılar isə 33-72-ci yerlər uğrunda matçlar keçirəcəklər.