“Qardaşlar” yenidən üz-üzə

Zaqatalada hazırlıqları davam etdirən “Simurq” sabah Bakıya gəlir. Allsport.az xəbər verir ki, Premyer liqada yaranmış fasilədən istifadə edən Georgi Çixradzenin komandası noyabrın 13-də “İnter”lə yoldaşlıq oyununda qüvvəsini sınayacaq.

Bölgə təmsilçisi məşqləri gündə iki dəfə olmaqla davam etdirir. Milli komandaların düşərgəsində olan Rəşad Eyyubov, Rəşad Əzizli və Vadim Abdullayev hazırlıqda iştirak etmir. Uzun müddətdir zədəli Murad Səttarlı ilə Banas Adam artıq komandaya qoşulub.

“Xəzər Lənkəran”la oyunda zədə alan Tural Axundov da məşqlərə başlayıb. “İnter Arena”da oynanılacaq qarşılaşma saat 17:00-da start götürəcək.

Həmin kateqoriyadan