“Traktorsazi” qalib gəldi, “Maşinsazi” heç-heçə etdi

İran pro liqasının 10-cu turunda Güney Azərbaycanın “Traktorsazi” klubu evdə “Sepidrud”la üz-üzə gəlib. Allsport.az saytı xəbər verir ki, “Xəzər Lənkəran”ın keçmiş uelsli baş məşqçisi Con Toşakın çalışdırdığı “qırmızı qurdlar” 2:1 qalib gəlib.

Təbrizin digər təmsilçisi “Maşinsazi” Mazandaranda “Nassaji” ilə qolsuz heç-heçə edib. “Traktorsazi” 16 xalla 16 iştirakçı arasında 5-ci, “Maşinsazi” 10 xalla 10-cu pillədədir.